PEMBUKAAN
 |
| Source: Ownskin |
Rami balai di Palo Banda
Rami dek anak mudo-mudo
Kok sanang sanak mandanga
Ikolah carito patamo
Kok sanang sanak mandanga
Ikolah carito karangan kito
Nan dari si Laia Aia
Urang manjalang si Indo Kuro
Ko lai saba sanak mananti
Lamo lambek ka dapek juo
Lamo lambek ka dapek juo
Pilin bapilin si tali rantai
Katali biduak di muaro
Pilin bapilin kok indak sampai
Jaleh kamabuak kaduonyo
Kirim bakirim tak sampai
Jaleh kamabuak kaduonyo
Nan balaia pincalang dewa
Induak pualo indopuro
Kok lai sanang sanak mandanga
Dari jauah kasanang juo
Dek sanang hati mandanga
Dari jauah kasanang juo
Nak urang Solok Silayo
Nan bacawek salilik pinggang
Dima urang ka picayo
Bansaik nan tiok hari siang
Dima lah urang ka picayo
Bansaik nan tiok hari siang
Balarian ondeh banang jo suto
Balipatan kain di gaduang
Sabagian yo untuang kito
sasuratan mandeh manganduang
Sabagian yo untuang kito
sasuratan mandeh manganduang
Sarawa panjang maningkek
Lah maningkek ka jantuang batih
Awak panjang lah pangana pendek
Kok lah bansaik lai mangko mandangek
Awak panjang lah pangana pendek
Kok lah bansaik lai mangko mandangek
Nan baringin di tangah ladang
Nan silasuah di Koto Baru
Dingin hati den macam urang
Nan malang barumah nan tataruang
Dingin hati den macam urang
Nan
malang barumah nan tataruang
No comments:
Post a Comment